ವಸತಿ ನಿಲಯದಿಂದ ವಿದ್ಯಾರ್ಥಿ ಕಾಣೆ, ಸಂಡಾಸ್‌ಗೆ ಹೋಗಿ ಬರುವುದಾಗಿ ಹೇಳಿ ಹೋಗಿದ್ದೆಲ್ಲಿ?
ಸರಕಾರ ನ್ಯೂಸ್‌ ವಿಜಯಪುರ
ಸಂಡಾಸಕ್ಕೆ ಹೋಗಿ ಬರುವುದಾಗಿ ಹೇಳಿ ಹೋದ ವಿದ್ಯಾರ್ಥಿ ವಸತಿ ನಿಲಯದಿಂದ ನಾಪತ್ತೆಯಾದ ಪ್ರಕರಣ ಬೆಳಕಿಗೆ ಬಂದಿದೆ.
ಇಲ್ಲಿನ ಕಗ್ಗೋಡದ ಸರ್ಕಾರಿ ಮೆಟ್ರಿಕ್‌ ಪೂರ್ವ ಬಾಲಕರ ವಸತಿ ನಿಲಯದಲ್ಲಿ ಈ ಘಟನೆ ನಡೆದಿದ್ದು, ಆಹೇರಿಯ ಆರ್‌ಎಂಎಸ್‌ ಶಾಲೆಯ 10ನೇ ತರಗತಿ ವಿದ್ಯಾರ್ಥಿ ಅಭಿಶೇಕ ತರುಣ ಪವಾರ (16) ಕಾಣೆಯಾದ ವಿದ್ಯಾರ್ಥಿ.
ಚವಡಿಹಾಳ ವಸತಿ ನಿಲಯದಿಂದ ವಿದ್ಯಾರ್ಥಿ ಕಾಣೆ, ಅಪಹರಣ ಮಾಡಿಕೊಂಡು ಹೋದರಾ?
ಆ.19ರಂದು ಸಂಜೆ 5ರ ಸುಮಾರಿಗೆ ಕಗ್ಗೋಡ ಗ್ರಾಮದ ರಸ್ತೆಯಲ್ಲಿ ತಿರುಗಾಡುತ್ತಿದ್ದ ಅಭಿಷೇಕನನ್ನು ಗಮನಿಸಿದ ಹಾಸ್ಟೆಲ್‌ ಸೆಕ್ಯೂರಿಟಿ ಸುನೀಲ ರಾಯಪ್ಪ ಆನ್‌ಲೈನ್‌ ಕ್ಲಾಸ್‌ ಶುರುವಾಗಲಿದ್ದು, ಹಾಸ್ಟೆಲ್‌ಗೆ ಬರುವಂತೆ ಹೇಳಿದ್ದಾನೆ. ಬಳಿಕ ಹಾಸ್ಟೆಲ್‌ ಬಂದ ಅಭಿಷೇಕ ಸೇರಿದಂತೆ ಎಲ್ಲ ವಿದ್ಯಾರ್ಥಿಗಳಿಗೆ ಆನ್‌ಲೈನ್‌ ತರಗತಿ ಹಾಜರಾಗಲು ರೂಮ್‌ಗೆ ತೆರಳಲು ಹೇಳಿದ್ದಾರೆ. ಆದರೆ, ಅಭಿಷೇಕ ಸಂಡಾಸಕ್ಕೆ ಹೋಗಿ ಬರುವುದಾಗಿ ಹೇಳಿದ್ದಾನೆ. ಬಳಿಕ ಸೆಕ್ಯೂರಿಟಿ ರಾಯಪ್ಪ ಆನ್‌ಲೈನ್‌ ಕ್ಲಾಸ್‌ ಆರಂಭಿಸಿ ಮರಳಿ ಅಭಿಶೇಕನಿಗೆ ಹುಡುಕಾಡಿದರೆ ಆತ ಸಿಕ್ಕಿಲ್ಲ. ಆನ್‌ಲೈನ್‌ ಕ್ಲಾಸ್‌ಗೂ ಬಂದಿಲ್ಲ. ಕೂಡಲೇ ರಾಯಪ್ಪ ಹಾಸ್ಟೆಲ್‌ ವಾರ್ಡ್ ನ್‌ಗೆ ಮಾಹಿತಿ ತಿಳಿಸಿದ್ದಾನೆ. ಬಳಿಕ ಮನೆಗೆ ಹೋಗಿರಬಹುದೆಂದು ಸುಮ್ಮನಾಗಿದ್ದಾರೆ. ಆದರೆ, ಅಭಿಷೇಕ ಮನೆಗೂ ಹೋಗಿಲ್ಲ, ಅತ್ತ ಶಾಲೆಗೂ ಹೋಗಿಲ್ಲ. ಇತ್ತ ಮರಳಿ ವಸತಿ ನಿಲಯಕ್ಕೂ ಬಂದಿಲ್ಲ. ಹೀಗಾಗಿ ಸೆಕ್ಯೂರಿಟಿ ಸುನೀಲ ರಾಯಪ್ಪ ಗ್ರಾಮೀಣ ಪೊಲೀಸ್‌ ಠಾಣೆಗೆ ದೂರು ನೀಡಿದ್ದಾರೆ.
ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಅಭಿಷೇಕನ ಹುಡುಕಾಟ ನಡೆಸಿದ್ದಾರೆ.
(ಕ್ಷಣ ಕ್ಷಣದ ಸುದ್ದಿಗಾಗಿ ಸರಕಾರ ನ್ಯೂಸ್‌ ಸಬ್‌ ಸ್ಕ್ರೈಬ್‌ ಆಗಿ. ಅದಕ್ಕಾಗಿ ಪಕ್ಕದಲ್ಲಿರುವ ಬೆಲ್‌ ಬಟನ್‌ ಪ್ರೆಸ್‌ ಮಾಡಿ)
